Vhè! in prümavaira
Tuot revain darchò,
Müravglüsa vgnüda —
Dieu saja lodô!

5 La pü leiva plaunta
Tuorn’a resüster,
Vita as palainta
Nua mè l’ögl po trer.

Mo — in terra posan
10 Bgers da nos dillets —
Perchè mè non vzains nus
Da quaist semm effets?

L’hom ais üna plaunta
Chi qui non revain,
15 Si’ essenz’ais l’orma
Chi in tschel be prain —

Guard’a tschel schi vezzast
Tü a splendurir
Que chi qui sün terra
20 Non dess pü revgnir!