Tü est davent! o chera degna mamma,
Sovenz am vaivast dit: „eau bod saregia lò
Inua nos Bap etern tiers sè am clama,
Inua bgers da mieus chers, da löng, El ho clamò.

5 Dieu he chattò in Sa Sencha scrittüra,
Mieu cour l’ho pigliò sü con grand dallet!
E cler l’hè vis eir in sa grand natüra,
Quaist ot bain he giodieu, ch’ais bain il pü perfet!

Per que, cur part, non vair, mieu cher, fadia;
10Viva containt in Dieu, fò tieu dovair!
Tü vainst, con tuots, eir tü la stessa via
Chi maina tuots a l’allegrus revair.“
Mas larmas culen! eau ’m rassegn, o Dieu,
Ella ’m ho dit „cha tel ais Tieu vulair.“