1. Pover cour, non das-chast plandscher,
     Co cha tü vainst turmentà.
     Ingiin orm’at voul complandscher;
     Stast retrat e conturblà.

2. Ma chanzun be po comprender,
     Quant’increschentün ch’eu saint,
     Ma chanzun be at po render,
     Pover cour, surlevgiamaint.

3. Sun dalöntsch da ma chamanna,
     Sun dalöntsch d’ma patria,
     Sun dalöntsch da bap e mamma,
     Sun dalöntsch d’la libertà.

4. II linguach da mi’ infanzia
     Non allegra mai meis cour,
     Tschunc ais tuot mia constanza,
     Sun dalöntsch da frar e sour.