1. Amihs! Quêl ais cli’ uossa lavura
     E sto pensand, suspais e smiss?
     Da trer davent ais l’ura
     E viager in quaists bels dis.
               Sopra vals e munts,
               Sopra lais e flüms
               In contredas estras.

2. Bain po ’l pultrun ’vair otr’idea,
     Ma saimper bel ais viager,
     Begl scha ’l solagl splendura,
     Begl suot la plövg’e grand tuner,
               Sopra vals e munts,
               Sopra lais e flüms
               In contredas estras.

3 Qui ais la flur, chi begl flurescha;
     Lo sass, sablun nel s-chür desert,
     Quia ais, chi ’ns animescha,
     II chaunt d’utschels, chi svoulan spert
               Sopra vals e munts,
               Sopra lais e flüms
               In contredas estras.

4. E dapertuot, sco vzains, unescha
     Dell’amicizia il liam stret
     lls umauns e ’ls animescha,
     Ansius d’tschercher que ch’ais perfet
               Sopra vals e munts,
               Sopra lais e flüms
               In contredas estras.

5. Perque, amis, sajans perüna,
     L’bastun in maun, laschè ’ns partir;
     Da not stailas e la glüna,
     Da di ’l solai ’ns voul condür
               Sopra vals e munts,
               Sopra lais e fliims
               In contredas estras.