Questo testo è incompleto.

Kinderspiele.

1. L’om neir.


I fautg as mettau in ün cercal. Un (l’om neir) dumauda: „Chi a tema da l’om neir?“

Tütg as mettan in muviment. Quel ca vegn ciapà resta l’om neir.


2. Magnoea granda.


I fautg i drombau quantgi ca jeu. Ün el tre, 5 el 6 e iuscia evant van e dretga dal pais. 2 el 4, 6 el 8 etc. van e sneistra e côrar. Ün resta indrè. Quel al cor ei tgiaper. Sa’ i trova al dromba quantci ca jeu, da ün fin 24. Sa’ n è anca as scumenza ün altar giögh. Sa no as disc le ora.

3. Al pastur el luf.


Ün le al pastor, ün al luf e i alter f fantg an norza. Al pastur disc: Gni norzetta , norzetta, le cilò al luf!

Ün disc: casa manga' l?
Al luf disc: carna.
Pastur: casa beival? …
Al luf: sangh.
Pastur: gni norzetta.
E quistan coran.

4. Fasan.


I fautg ün dre l’altar i man sunt al man dal l’altar fin che sciüa al verdet. Dopa clama tüte: Fasan, fasan, fasan e dasfan la pluma di man.

Chi a bavü ’l latc?
Al gat.
In duè ’l gat?
Sot la litgeira?
Al föc al la brusceda,
In duè al föc?
L’aua al la smurzeda
In duè l’aua?
I böif l’an baavüda
I duè eu i böif?
Giol Plan Fasan
Faasan, fasan, fasan.



Kinderlieder.


1 Ninna nanna
     Fa ninè te mamma
     La pepina la fa al caffè
     La fa al caffé da cigolatta
     Pepina l' è üna matta.

2 Al plöv e' l da' l sul
     L' è la vita di pastur.
     I pastur i stan in plaza
     L' è la vita da la giüdaza.
     La giüdaza va sü Cambursin
     E clamär i se poijn
     I se poijn nu volan gnir
     Üna squia in bocca
     E čhi ca ma fag dir.

3 Al plöv el da al sul
     L' ägua lè di pastur
     I pastur van alla riva
     L' ägua lè dellan gallina
     Lan gallina van in plazza

     L' ägua lè dallan giüdazza.
     Lan giüdazza van int valtollina
     E la cumpran la farina. —
     Par fe la bóina
     Par quel pitin pitin.

4 Catarina di Corai …
     Salta sü cal cânta al gall
     Al canta al gall e la gallina
     Salta sü Catarina.

5 Catarina da lan nuš
     Par quest ann i nut spus
     Präga al ciel ca nu väda màl
     Al plü prest sin carnavàl.

6 Pedar Pedar dal bun pädar
     Per mangä i nu som mai prägar
     Da lavurè nu man parlat
     E per durmi lascian fi da mi.
 
7 L' anda Nina el bärba zopp
     I balävan e gran galopp
     I balävan de tal manera
     C' al squasäva la litcera
     La litcera l' è staccia in pä
     Al bärba zopp se sgallunä.

8 Trucati traca la mulinära,
     La mulinära l' ha tre marus,
     Ün l' è davent, l' altar l' è spus,
     Ün le ricc el fa la guera
     Trucati traca la mulinära.

9 Ün, doi, trè
     Papa non e rè.
     Rè non e papa.
     Pan non e fugacia
     Fugacia non e pan.
     Quel ch' e insciö non e duman.

10 Pan ün, pan doi, pan tre, pan quattar, pan cinc, pan seisc,
     pan sett, pan ott, teng ent quel pott.

11 Cum partišsa da bun fütt
     Tü la cagna è gè al porchett

ch' it inganna
Mi al porchett e ti la cagna.

12 Un dui tre quattar
Al manistar al völ rappan
Al bab a nu nà
Töl te libar e va a ca.

13 Al maza ploil
Al lica flur
Al dent striun
Quel da l' anel
Al pio pio ca' l tö ün tocc pan e al va cun Dio.

14 Bel manin in duet statc?
Sul marca.
E cos at fatc?
Je a crumpa pan e bunbun.
Piziga, piziga moscun.

15 Duman l' è Dumènga
Al spusa la Menga
Menga Mengüc
Al spusa al capüc
Al capüc l' è mort
E aje tucâ üna buna scort.

16 Madalena! — Fa da cena, fa da bun
Fa pizocal e macarun.

17 Gian Pedrin dal pen gratà
Mettum a letg chi sum malà
I som malà da tantchi di
Mi sum a letg chi possa guri.
 
18 Töm Giacum töm
Chi som ùna bella matta
I a roba e tanchi rapan
E er üna cosa cha tü nul sa
Ja dui perair da drè lacà
Ün lè secc è l' altar i creg cal veda.
Tre quattrin i a anca Giol Giopp
Sa i tai doi i saran ün po tropp
E par ave ânca da plü jea üna filanda
Par fer üna bella palanda.


19 Oh čhi rabbia
E veir la gabbia
E no l' ulcell; …
Oh čhi burdell
E veir l' ulcell
E no la gabbia.

20 Pium pium Giacum
Ca je sun üna bela mata
Je ha raba e daneir
Ben plen al me ŝĉfurzeir
Je ha' na vacca e' na manzola
Tütgi di je la lasc ora
Doi nugair sü dre la cà
Un l' è secc e ün al và.

21 Tirum, tirum tirèla
Le mort al Gian Padela.
Al Gian Padela e mort
Ai è toca üna buna sort.
Cas' era la si dota? …
Üna gallina zoppa.
Cas' era la si entrèda?
Üna gallina splümèda.

22 Ventr da latg
Schena … da campatg
Pè da Carpela
Testa da Sascela

23 Cum fagia al discnär
Casa' m da fär
Cum väda e rubär
Quel masteir nu voja fär
Al pio pio al va e cüsär e quii dal craminäl.

24 Tun tan campanun
Tre surela sül balcun
Üna taja, üna cus
L' altra fa capei da spus.
Üna cus e üna taja
L' altra fa capei da pàja.


25 Pè pè indurmanta
Quatar paira sül marca.
Üna cus e üna taja,
Üna fa capel da paja
Üna taja e üna cus
Üna fa capel da spus.

26 Trápul da Roma
Ca fa balär la dona
Dona dunzela
Ca fa balär la stela
Stela stelin ca fa balär i quatrin
Quatrin da Napul
Ca fa balär i trapul
Trapul da Roma
Ca fa balär la dona.

27 Zua zua cavalin,
al cavalin la rott la cua
e la cua l' è rota
e 'l cavalin nu väl nagóta; …
Um an fa sü üna da stoppa, m' al cavalin nu va nagota;
Um an fa sü üna da ciäl e 'l cavalin va anc pü mäl,
Um an fa sü üna da legn e 'l cavalin va tanto ben.

28 Sa ta fam späla al calcagn
Al calcagn lè secc
Va a caval ün becc
Al becc lè dür
Va sunt ün mür
Al mür a se dasfatsch
Va int ün campatch
Al campatch lè rott
Füg fot zatt.

29 Intum, intum cistella
Cerca fora la plü bella
La plü bella l' è sortida
Tütt l' an àltra l' en fuggida.
30 Pein, pein indurmantâ
Port' al fen ent' al tublâ
Port' ent er ün zig starnam
Ca um an abbai par tütt l' ann.

31 Fagè la carità al povar Michelatt
C' al temp a l' ingannat

Ca sal temp nu l' ingannäva
Al veva roba cha jan vanzäva.

32 Pulènta mastènta
Pizócal gio' l ventar
Capun bel e bun
Nagót in tal sdun.

33 Deŝĉa mura tan tan
Và e Milan e porta pan
Va in Malénc e porta peng
Va in Vultulina e porta farina
Par fär 'na boiina e la nossa pitina.

34 Ucclin gio' n fond dal mer,
Quantan pena pot portèr?
Je' n poss portèr üna mazola
Chi e dentro e chi è fora?

35 I sum andatch pal bun men
Dallan giuvna di Crottän
E à man datch ün fazöl in män
E l' an giuvna dall ustaria
La man datch sta fazölaria.

36 Da par tutt a jè al se caffè
Anducal cànta e anducal lasà dacanta.
 
37 Lümega, lümega
caccia i quattar corn,
insanò je' t bütt gio' n
laua tü e te bap e ti mama
e i te frär e lan ti sor.
38 Lümegha, lümegha
cactia or i corni,
sa nö je' t catc' in l' aua.
39 Lümegha, lümegha
catcia or i corni,
sa nò, je' t rumpela ti ciasina.
 
40 L' e stag fag ün ball in Visavran
Cun pag mag e bier matan
E tütg geivan, com, com, com
E lan povran fia veivan da pasär pom.
 
41 La cià la plögia
Cal bagna lan föja
La cià un bel giuvan
C' al cree ch' l vöja
Al scumenza e rii
El driän al dumanda
s' ün voi maridä.

42 Cumär stilezza vulef gnir e messa?
     No ca je nun ha gni da stil, gni da gross da’ m mettar in doss.
     Cumär grassezza vulef gnir a messa?
     Sci ca je n’ha da stil, e da gross da’ m mettar in doss.
43 a) Casa fat en la mi vigna?
     b) Je mang üga.
     a) Da quala?
     b) Da quela buna.
     a) Da quala?
     b) Da quela mušcatela.
     a) Da quala?
     b) Ün zig da la mia
     e ün zig da la tia.
44 Possat gnür üna testa da sassela
     Cun pè da carpela
     Cun regn da campag
     E butacc da latg.

Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.