Vò nu’ m rumper il sonn e la calma,
Schappür calma mieu cour pò chatter,
Cur cha spraunza, amur, giuventüna
Vaun svanind, per mê pü nun turner!

5 Alla föglia s-chanted’, inmelnida,
Cur l’utuon daspö lönch ais passò,
Chi pò render il verd e la vita?
Chi po der l’odur persa darchò?

T’avess eau inscuntreda, ma bella,
10 Nell’eted ch’ho be fluors per ognün:
Quell sorrir chi ta vista infitta
Vess rendieu propizi il destin!

Memma tard, vi al tschel splendurainta
Püra staila per me apparit!
15 Tres ils vents fatt’in tocs ais ma vela
E la barcha nell’uonda sparit.