O sajast mia! La valled’ais s-chüra!
Tü est ma glüsch in quaist terrain intschert;
O sajast mia! fin cha’ l di s’ins-chüra
E quaista terra nu ’m sarò desert!

5 O sajast mia! e ma lir’allura
Accords avrò dad ineffabel sun;
O cuorta, chera, del dalet ais l’ura
E la leidezza ais ün vaun strasun!

O sajast mia, sco mi’ orm’ais tia!
10 O sajast l’aungel, chi me guid’al tschel!
Suot l’influenza da tieu ögl la via,
Per me s’appüra d’ogni led e mel!