< Pagina:Çittara zeneize 1745.djvu
| Questa pagina è ancora da trascrivere o è incompleta. |
XII.
C
omença amarelæde in sciù ro briccoA ferî de mattin ro primmo Arbô,
Che subito a ro cœu me batte Amô
Con quarche purgatœurio e quarche picco.
Dormo tutta ra nœutte in sciù l’appicco,
Tutto pin de sospiri e de dorô:
Corro per boschi aora ombra, aora pastô:
Pù da questo paggiâ no me bosticco.
Quando da pœu ro sœunno a ra mattin
Ri agnelli e pegorette a ro bærâ,
Ò cantando me rompan ri oxellin,
No sì tosto me descio, che desciâ
Sento ra sciamma; onde reposo ò fin
Moǽ per dormî no prœuvo ò per veggiâ.
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.