XIX.

Desferrǽ da ro lammo in questo pointo,
In paragon dri quǽ perde l’arinto,
A segno tâ che ognun fe ne fa beffe,

Se ben, per esse ancœu pesci a bezeffe,
Vegnan a esse pe ro mæsmo cointo
Donativo da fâne poco cointo,
Da reportâne ro mâ e re beffe,

Ballin, chi moǽ pero no desconfia
Dra sò Maxiña, bench’o fesse un fallo,
Comme fruta dri scœuggi o ghe ri invia.

Quanto a ra contraziffra dro regallo,
Se supprica amermâ tanta raoxia,
Chi merita zœumoǽ ciù che un cavallo.