< Pagina:Çittara zeneize 1745.djvu
| Questa pagina è ancora da trascrivere o è incompleta. |
XXI.
Q
uando per ammortâ ra sò fasciñaRo Sô mescia in Ponente re garrette,
Che comença a uscî fœura re barchetie
A spaçio chì e lì pe ra mariña,
Amô, per fâme vei cos’è Maxiña,
Se quello Sô con questo s’ha da mette,
Me ra mostra assettâ sciù re gærette,
Ò tra re atre in quarche fregattiña.
Lì o me prœuva a força d’argomento,
Solamenti con fâsera a re die,
Che ro Sô chi va sotta è un Sô depento.
Tæ’, mîrara (o me dixe) aora de chíe,
Ti no vei là che gh'è çento per çento?
Che un te fa cianze, l’atro te fa rie?
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.