Pagina:Çittara zeneize 1745.djvu/150

Questa pagina è ancora da trascrivere o è incompleta.

XXVI.

Q

uest’ombrinotta ancon viva e freschissima,

Sæ dæta, finchè l'è tutta godibile,
A nomme de Ballin, se l’è possibile,
In man propria a Maxiña sò carissima:

Careçça a ri sœu meriti, scarsissima,
Ma per degni respetti compatibile:
Pescio a re nasse in mœuo quæxi incredibile
Capitao per desgraçia marçissìma.

L’añimo de Maxiña e grande e nobile
Scuze con ra so graçia incomparabile
Ro don, per poco, non dro tutto ignobile.

Dæta in ro poverissimo sò stabile.
Ballin, verso Maxiña tanto immobile,
Quanto per sò desgraçia mizerabile.

Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.