Pagina:Çittara zeneize 1745.djvu/154

Questa pagina è ancora da trascrivere o è incompleta.

XXX.

C

ose me vâ che naveghe e comande,

Mæ cœu, per capitañio uña galera,
Se, reduto a ra netta puradera,
Son scciavo incadenao per mille bande?

Che ogni trei dì con tente scorribande
Çappette e peste l’ægua dra Rivera,
Se son lì sempre a ro mæ sicutera,
Con l’añimo a covâ re vostre bande?

Spesso a piggiâ ra Carta Amô m’exorta.
Dopo aveira curlâ per mille venti,
Per porto o me fa vei ra vostra porta.

Saçio dra Carta e dri sœu curlamenti,
Vózo carta, ra raggia me trasporta,
Ne façço tente carte con ri denti.

Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.