Ciù o vorǽ dî: ma visto in quell’instante
Ra nœutte in ziña de piggiâ partío,
E l’Arba trâse fœu da ro Levante,
92E re stelle dro tutto andâ con Dio:
Per no esse visto lì si stravagante
In quella marca de pescio ferío,
O partì con sospiri in bassa voxe,
96Chi dissan: Parto, e porto ra mæ croxe.

Tra Grego e Tramontaña
Fæta a lamme d’arinto ra Diaña:
Zà, vòtto a contraçê
5Ro carro fin in fondo,
Ra luña se curlava a l’atro mondo:
Quando in riva dro mâ
Tutto allumescellao
Dentr’un caban straççao,
10Sença savei de lê cose ciù fâ,
Ballin, che un peçço avanti a son de centi,
Lì vexin a ra porta dra sò Cara,