< Pagina:Çittara zeneize 1745.djvu
| Questa pagina è ancora da trascrivere o è incompleta. |
VI.
F
iniremmo in Maria sempre con l’Ave;Ave s’ódirà subito a desteizo.
Per quelle lontanançe de Pareizo,
Tanto dexideroze d’onorâve.
Ri Angeri in ton de muxica soave,
Impossibile a noî d’esse compreizo,
Sença un minimo impaccio ò contrapeizo,
Corriran da pertutto a cortezzâve.
E dopo aveive con ghirlande e treççe
Chi de scioî, chi de perle donativi,
Chi fæto in atri mœui mille careççe,
Con re Muze e con noî tutti festivi
Faran conçerto dre vostre allegreççe
Là per quelli crestalli sempre vivi.
Questa voce è stata pubblicata da Wikisource. Il testo è rilasciato in base alla licenza Creative Commons Attribuzione-Condividi allo stesso modo. Potrebbero essere applicate clausole aggiuntive per i file multimediali.