Quando Amô dà ra botta a ra tettiña,
Un scœuggio ro ciù duro dra mariña,
Cantando, indærno mœuve a caritǽ.

E spesso a re mæ lagrime affoghǽ
D’aççende dubiei ra fregattiña:
Cangiao da pœu ro tœuscego in meixiña,
Rixi tra mi dri mæ nescioî passǽ.

Sciù ra memœuria dro mæ primmo fin
Stampo però ri versi dro mæ cento,
Quando fei per Amô tenti strascin.

Dê sa, se con sì magro pagamento,
Riccardi, o vorrà fâme un chitt'e fin
Questo Tiranno, chi n’è moæ contento.