Quattro dì fa sbaffava dra sò sorte,
E ancœu con ro baston per contraforte
Ra barba e ri mostassi se gasciuga,

O mostra, che ro mondo n’alleituga,
Quando a fondâse in lê pâ ch’o n’exorte:
Che lê da nescio o se governa a sorte,
Si ben con ro sò bello o n’abbarluga.

Savio Voî, che per fâ ch’o no ve smôrre,
Borzon, poei con ra famma dri coroî
Ri secoli dri secoli trascorre.

Mi, che canto in Zeneize quattro Amoî,
Comme posso scappâ de no gh’incorre?
Questi, in pensâghe, son ri mæ doroî!