E per poeime a sò posta strapaççâ,
Amô m'ha fæto un tiro da corsâ,
M’ha fæto fâ uña bella Madareña.

Sarüei ra patroña amarapeña,
Che Zaniña vì zù sciù ro portâ.
Oimè! che o me n’ha fæto imbertonâ,
Comme apointo ro gatto dra mezeña.

Onde hò perso ogni gusto, ogni rescioro:
Ghe son sempre a ra côa, sempre aderrê,
Comme s’a foisse tutta quanta d’oro.

Zaniña cara, per amô de Dê,
Ghe diggo, ti no vei quanto t’adoro?
Che per ti poæro un morto in sciù doî pê?