VI.

Sorchetto moǽ n’attendo, che tra míe
No tremme, de pensâ ch’hô sempre líe
Amô con ro sorchetto e ra viscâ.

Se quarche oxello dà dent’ra scartâ,
M’appenso che gh’hò dæto mi assíe.
Questo, diggo, è ro caxo tò de tíe,
Perrîn, ra tò desgrazia accopiâ.

Ti, mentre che ti oxelli, Amô t’oxella:
Ti scorri lô, lê sempre te travaggia:
Ti ghe peiri ra ciumma, e lê te spella.

Se ben lê in questo tanto t’avantaggia:
Ti no ri hæ sempre lì dent'ra scarçella;
A ra reversa Amô t’ha sempre in gaggia.