Et spranza fatsch’anz co ch’eu moura
Cha vussas svessa stöglat dir
In veziand mia buna ouvra
140 Cha quella m’ho podieu guarir.

Il quel dotur cha hè agieu
Vögl eir a vus manifester
Ais sto legiand il pled la Dieu
Chi m’ho pudieu bain resaner.

145 O schi cherchain tuots quia rimeidi
Perchè cha quel es ponderus
E recurin tiers quel grand meidi
Chi a la mort ais jeu per nus.

Quel vain tuot nossas malatias
150 Tras sia vertüd a remedgier
Intaunt cha nus las plaias sias
Gaian col cour a cuntempler.

Eir il pü ot illüminò
Apostel Paulo dels pajauns
155 Ha lönch vivieu in il pchò
Et eir in gronds surpassamaints;

Alur udint la vusch da Dieu
Chi gio dal tschel il ha clamò
Ais el bain bod sto convertieu
160 Et ais rivò fin a quel grò. —

Siand da tela eficatia
Tia vusch da pudair convertir
O Seigner schi fans quella gratia
Tieu pled cun dalet da dudir,

165 Et fer seguond ch’el ans dictescha
Alur containts ans tschantarans
E pü cha il nos zeli crescha
Et pü dalet cha d’havarans.