Lee l’ è tant buna, ca la dess perfin
400Tüt la si raba, per salvär l’ Anin.
STAMPA. Ma sala già, ca
l’ Anin è in prašun?
Ca l’ à in ment ün panzeir insci bun?
URSINA. C’ al suččadess la s’ era imaginäda
Dree quel ch’ i an quintaa eir in la stüäda;
405Ma nul la sà. Nu l’ è gnär dai al dir;
Ca da l’ ingoscia la pudess murir:
[p. 110] Pütost cunsulaziun sa s’ i vol fär,
Da libarär l’ Anin l’ è da panzär.
STAMPA. Sa l’ Anin vess robaa, o vess mazaa,
410Fors’ as pudess peršuadar i giüraa
Da la lasciär fugir; ma nu l’ è mia
Da sparär tant, s’ i la tegnan per stria.
URSINA. Però l’ è sempar temp da’ s disperär.
Intant čhi sà, sa nus pudess pruvär
415Da ongiar i pü povar dii giüraa
Cun da quel onč, ch’ è pü fort cu largaa?
Di altar pö cun altar argument
As pò sparär d’ impietosir la ment;
Parciee ch’ i dišan, c’ al sciur pudastà
420Per belan giuvna sol veir gran pietà.
Sa tü e quist ültim at vol mettar dree,
D’ ongiar i prüm je panzarà ben je.
STAMPA. Da riuscir paca sparanz’ i à;
Ma tütavia dal fär je provarà,
425E cun tant pü bun cor, parciee ch’ i sper,
C’ la se’ innocenta. E vò čie van pär?
URSINA. Je’ l sper är je; però čhi’ l pò saveir?
Tü sà, ch’ it veiva ditč i me panzeir
Evant cu ca tü ceir’ ai fagiess tant.
430Sün quel al füss giü da panzär evant.
Ma pö, ma pö, tü nu füss mia ligaa,
Sa sül see essar tü’ t vess ingannaa;
Obligaa cul suspet ca la füss stria,
Dai mantagnir la fè tü nu füss mia.
435Però, infin ca quel nus pò pruvär,
L’ è sempar opra pia da la salvär;
Cà är c’ la füss culpeivla, la pò gnir
Dal mäl camin el bun es cunvertir. …