Issa intant stà ben; ch’ i à d’ indär
[p. 111] 440 E’ vdeir la Menga. Aia d’ la saludär
Fors e tee nom?
STAMPA. Sì, saludala pür,
E dgei, ca ün bun dì je ai augür.
(Ursina va).
STAMPA. Chì certa raba ca l’ è mai l’ amur,
445Ca porta ura plašeir, ura dulur!
Je sun tancu süi spign, e je nu sà,
Sa l’ è ben fatč, quel ca je fagiarà.
S’ la füss culpeivla, al füss gran dišunur,
Tagnir cun üna, ca nega’ l Signur.
450Ma pür l’ è tant impressa ent al mee cor,
Ca är culpeivla i nu la poss tör or.
Èl ün bun segn? o èl al mäl c’ am tenta?
Cas aia da panzär?
VUS DA ALT. Ca l’ è innocenta!
455
STAMPA. L’ è innocenta! Cas’ aia inteis?
Giò dal me cor al vegn tötč ün gran peis.
Sì, šì, di Dio quel là l’ è la vuš,
Ca vegn e’ m šligierär d’ üna gran cruš.
(Pausa).
C’ al sea per la vita, o per la mort,
460Cun lee je vöi dividar la si šort. (Giò la tenda).
SCENA IV.
Depütaziun dal craminäl. Al Pudastà e quatar Giüdaš.
PUDASTÀ. I prüm esami ormai i en finì,
Quel ch’ i cuntegnan già u vè santì:
Quel ca l’ à sü la corda cunfessä,
[p. 112] De piano l’ à pö änch riconfermä.
465Cradev ormai, ca tüt sea cumpì,
Ca la drittüra i possa fä banì?
Ca quela, giüsta la si cumpetenza,
Vegna en tö üna final sentenza?
1. GIÜRAA. Ma nu saral cuntar la procedüra
470Dai där doma du volta la tortüra?