ANDRIANI. Chi ca banduna Iddio, Dio ’l banduna.
PUDASTÀ. Al püblic da stä quiet resta pragä,
S’ al völ santì quel ch’ è statč giüdicä;
Cà servi’ l possa e tütč d’ amoniziun.
700Vò, ser Nudär, fagien la preleziun.
[p. 121] Al Nudair legg la sentenza):
Quista femna esposta el dišunur
A cunfessaa, c’ la rinega’ l Signur,
D’ essar dal diaval ca la s’ è ubligäda,
Ca quel cun ün anel al l’ à spusäda,
705Ca tancu ün vero anel al guardäv’ or,
Ma l’ era paja ca sumiäva d’ or;
Ca quel al l’ à manäda ent i barlot,
Indua ch’ i fagevan paparot
Cun oss da fanč, ca nun èn batagiaa,
710E mezza nötč tötč ora dal sagraa;
Cun sangu’ da gent, cun fanga e cun urina;
Cun öil da ciat e creista da galina.
Ca cun quel paparot l’ ingeva ongiand
Gent e bastiam, per fär perir tüt quant.
715Ca e quel spuš la vea giü da giürär,
Sempar dal mäl, e mai dal ben da fär.
Ca e nòm da quel lee la sgoläva indua
Ca la vuleiv’ e caval e üna scua,
E c’ las truväva in ün amèn o doi
720In la Bondasca, o sünt i munt da Sòi.
C’ l’ è statcia in Lotten cun la cumpagnia,
Indua ch’ ii an mess al bóll da stria.
Ca ent i balarot la fagean doma
Spass e baccan, e la fagean la toma.
725Ca cun lucifer pü volta l’ en giüda
Da mezza nötč sul mot da lan Gaiüda.
Ca’ l prüm da tüt l’ à instriaa ün avdell,
E pö l’ à fatč gnir ora ün tarabell.
Ca l’ à tratč polvra e dòna Analì,
730C’ à pö giü d’ indär zoppa tantci dì.
Ca ün dì, c’ la stea cašand, cun ün öiläda,
[p. 122] Ca la’ i à datč, l’ à guastaa la cašäda.
Ca l’ à tratč polvra el nudair Indrea,