Incur ch’ è’ l temp, am toccarà är dree
445Al mee bun frär, e al me ciär Tumee;
E innura insemal um as truvarà
In quel gioir, ca mai fin nu varà. (Pausa).
Quel panzeir lò am à sligiaraa ’l cor.
(Pausa).
Je vöi guardär, sa je sa anc dador
450Quel vers, ca, mama, tü m’ à mossaa tü,
E tü’ m fagea dree l’ uraziun dir sü:
Ama Dio, e nu falir,
Fa pür ben, e lascia dir,
Lascia dir čhi ca dir vol,
455Ama Dio da bun cor.
(Dopo qualčhi riflešš).
D’ amär Iddio je poss ben sparär;
Ma lasciär dir — quel pö l’ è pü mäl fär;
Ca e panzär am vegn dabot spavent,
Quel ca da je dgiarà issa la gent.
460Nul pò essr’ altar, cu ca qualčhi fia
Agia mess ora e posta, ch’ i sea stria;
E’ l mee bun nom inscia dišunuraa
E qui ca vegnan dree al passarà.
(Pausa).
[p. 141] As vess, je sà, as vess da pardunär;
465Ma l’ è pü bel e’ l dir, cu e’ l pudeir fär;
Massima je nul poss, s’ am vegn e ment,
Quelan, ca la mossävan veir gügent,
D’ am avdeir e la mort je cundanäda
Cun dišunur. — Sa quelan dišgraziäda
470Vessan pruvaa är leir quel c’ al vol dir,
Davant Iddio essar per cumparir,
Forsa la vessan fatč altar panzeir;
C’ ai toccarà da murir är e leir.
(Pausa).
Ma eppür čhi sà, ca nu l’ agian panzaa,
475Ch’ i sea colpevla, e i l’ agia maritaa?
Oh, ca pür trop e avdeir altran fia
Ent al mee cas, är je panzäva inscia!
O quantan stria, e quanči striun