Questa pagina è ancora da trascrivere o è incompleta. |
En statč mazzaa — e fors’ i eran bun!
480E pür tütč quanči dišan mäl da lur,
E al see nom l’ è nom da dišunur.
(La sta sü e s’ ingianöila).
Pardunum, ciär Signur! al mee pacaa!
Ca är je, s’ i poss, är je pardunarà:
Ma al mee cor l’ è debul per al fär;
485Sì dam la forza tü da pardunär,
Ca davant tü je possa cumparir
Senza tramlär. S’ al corp à da perir;
Fa ca l’ anima mia sea salväda,
O ciär Signur dal Ceil!
490VUŠ DA ALT. Tü è graziäda.
ANIN (sta sü cun gioia)
Je sun graziäda! O chi dulcia šort!
Issa gni pür em manär e la mort!
(As sent e battar ura).
[p. 142] C’ al suna pür, ca je sun paragiäda!
O gioia dal mee cor! — Je sun graziäda!
(Pausa).
495Oh, s’ i pudess avdeir al mee Tumee!
S’ il pudess veir anch’ ün mument cun je!
Ch’ ii pudess dir: «O ciär, nu temer mia!
Nu creir, nu creir, ca je sea üna stria.
Pel Ceil je sun eletta dal Signur,
500E je sarà’ l tee angial protetur;
Sü la via dal ben je’ t guidarà,
Infin ca är tü sül Ceil cun je gnirà,
Indua ca bricat colpa gni murir,
Gni altran raba as pon mai plü spartir.»
(Pausa).
505Am è parü, c’ as sent’ es muantär,
Casa ca l’ è je vöi ün zic tatlär.
Er c’ al mee cor se’ issa pü ligeir,
Sempar l’ è greiv da la mort al panzeir.
(La mett l’ ureila e l’ üšc).
As sent fracašš — as sent e zapär fort!
(Cun stremizzi).