510Iss’ i gniran e’ m manär e la mort!
O ciär Signur! pardunum i paccaa!
O Signur ciär! abbia da je pietà!
Sustegnum tü in quist mument tremendo!
O Dio, ca l’ è ciò’ l sciur reverendo!
(Al vegn Tumee travastii, cul Dagan).
STAMPA (cun vuš finta)
515Nu tramlà mia: jè vegn ev purtär
Parola da la vita, e’ v cunsulär.
[p. 148] ANIN. Parola da la vita? U nu vè tort;
Pem cumpagnär da la vita e la mort.
STAMPA. Cul vos Signur as vev ricunciliäda?
520ANIN. D’ indär da Lü je sun ben paragiäda.
STAMPA. Dgemal, Anin, dgemal cun cor sinceir,
È’ l propi Lü al tütt di vos panzeir?
ANIN. Sciur reverendo, as vev vò dasmancaa,
C’ um as cunfessa e Dio no, riformaa?
525STAMPA. Je vulea dir, s’ u vulè cumandär
Vargót pel mond, o varün salüdär?
(Pö rivolt el Dagan).
Ma fagiem al plašeir, ciär ser cumpär,
Cun lee sulet ün mument d’ am lasciär.
(Al Dagan as ritira e sera l’ üšc da dora cu la cläv).
Issa dgè pür, Anin, liberament
530Tütt quel, c’ u vè sül cor, o in la ment.
ANIN. E ben, je’ v vöi dir tütt, sa vò giürà,
Da nu dir e nagiün quel ch’ iv dgiarà.
STAMPA. Sì, je’ v prumet, ca tütt quel ca vò’ m dgè,
Al restarà sacret fra vò e je.
535ANIN. Je ricognošc al prüm al mee pacaa;
C’ l’ è tütt manzonga quel, ch’ i à cunfessaa;
Je l’ à fatč dóma per essar sagiüra,
Ch’ i num turmentan tant cu la tortüra.
Je nu sun stria, e je nu sà gnär je,
540Quel c’ al vol dir quel lò, gni casa c’ l’ è:
Ma c’ al mee nòm resta dašunuraa
Dree la mi mort, quel lò gran pen’ am fà.
STAMPA. Ma nu vulessus, ca je väd’ e’ l dir
E la giüstizia, e’ v salvär dal murir?