STAMPA. Dal cor de l’ om curiusa è ben la šort;
C’ al dulur e ’l plašeir menan e mort.
ANIN. Iss’ al me cor as trova sulevaa;
Ma, o Dio! c’ um sarà preist separaa!
585STAMPA. Sa da tü e da je pietà tü sent,
Um sarà separaa dom’ ün mument.
ANIN. Casa ca tü vol dir je nu cumprend.
STAMPA. E quel, ca je’ t dgiarà, dà ben e ment.
Incusa ca tü vè, chilò i’ sun gnii
590Cun quisti pagn, ch’ i à e doss, travastii;
Ch’ i sea’ l preir da la ti religiun
I an cradü; e inscia in la prašun
Senz’ essar cagnošcü je sun rivaa.
Chilò in quist fagot je à purtaa
595Ün vastii giüst cufà quel ch’ i à ent.
Tü va ent là, e quist chilò tir ent.
Pö dam al tee, ca tü varà tratč or;
Ch’ il tir’ ent je. Innura tü gnir or
Sagiüra pudarà da la prašun,
600Tancu fa ca tü ingess e culaziun,
Per pö ün zichett dopo ritornär
La stria e la mort per cumpagnär.
Tü tö la via dalunga da Pungel,
Pö passa sü. Daspair al tublaa Del
605Doi bun amig da je as truvaran,
[p. 146] Oman da pulz, e quii’ t cumpagnaran
Per la Furcela, per Maroz e Sett,
Infin e Bevi, or pel Gian Plachett.
ANIN. Da quela banda je nu ingess gügent;
610Sün Sett i dišan, ch’ i fan giò la gent.
STAMPA. O nu veir tema! ca chi c’ avdarà
Chi ch’ è cun tü, dal mäl nut fagiarà.
Al Gian Plachett al stà giò’ n dim al vic,
L’ è ün òm stagn, e l’ è mee bun amic.
615E panzär ei see poin e’ i see martei
Nagiün nut toccarà gnanc ün cavei.
Quista nötč o duman je sper rivär
Là or er je.
ANIN. Ma intant stessat chilò?
620STAMPA. Issa sortir daplü cu ün nus pò.