STAMPA. Tira sü i te cavei vi da dree’ l cop,
E ligai ferm, ca nus dašfagia ’l grop.
[p. 148] (La campanela cessa da sunär).
ANIN (da dent)
655Ca qualchi novità sea riväda?
D’ ün colp la campanela s’ è farmäda.
STAMPA (da dent)
Samai quel pit segnin vea scumanzaa
Per clamär dom’ insemal i giüraa.
(Anin vegn ora d’ üna banda, Tumee dall’ altra).
ANIN. S’ al füss ün altar lög, tü pudess rir,
660Quist reverendo e ’vdeir cumparir.
STAMPA. Em avdeir je tü riess pü da güst.
Vè cià, o ciära, e fam ent al büst
(Anin ai fa ent al büst).
Iss’ al servizi it rendarà e tü,
Lascia ca quista barba it metta sü.
(Ai mett sü la falsa barba).
665Ben sur i öil al capel tira giò,
E ent ün man tegn quist libar chilò.
(Ai dà ün libar).
ANIN. Vè ciò, ca quist fazöl je ’t metta sü,
Ch’ i nu vezan dalunga, ca tü è tü.
(L’ ai mett sü al fazöl).
STAMPA. As sent, ch’ i vegnan. Iss nu dašmancär,
670Dal manistar la vuš da cuntrafär.
Sü, sü la cappa, e nut där panzeir.
(Ai mett sü la cappa).
Sta ben, Anin!
[p. 149] ANIN. Sta ben!
TÜTCI DÒI. Es bun avdeir!
(L’ entra ün Giüdaš cul Dagan).
GIÜDAŠ (rivolt el Tumee)
675La dirittüra, Anin, am manda e dì,
Ca davant quella u vè da cumparì;
Ma ün mumentin as vè änch da farmä,
Cul pradicänt innänz la völ parlä.
(Vers l’ Anin).