Santev giò là, e abbià la buntà,
710Da dä ascult e quel c’ um av dgiarà.
(Anin as senta giò tramland).
ÜN GIÜDAŠ (e mezza vuš vers ün altar):
Quel reverendo l’ à tant dundunä,
Ca ün ciochera pegg nu pudess fä.
ÜN ALTAR. S’ i en uscia tütč i prer di lutar,
As à da dì, ch’ i èn ben povar futar.
[p. 151] 715 AL PRÜM. Indua varal impres tanta creänza,
Senza tö giò ’l capell da nì in la stänza?
AL SAGOND. E da tagnì i öil uscì’ sbassä,
Ca in la faccia nus ai pò guardä?
PUDASTÀ. Siccome al gran plašer pò fä stremì,
720Mi’ v preg, ca e poc e poc u vöias dì
E la giuvnetta sentenziäda e mort,
Ca tütt d’ ün colp s’ è cangiä la si šort.
L’ à vulü Dio in la si clemenza,
Ca vegna palesä la si innocenza.
(Anin dand ün sai va in banda per där giò; intant ai croda giò ’l
capel e la barba, e is dašfan ora i see cavei).
725
ANIN. O Dio! cas’ am vegn? Tumee, Tumee!
STAMPA (ca corr ent da l’ üšc)
Cas’ è success, Anin! cas’ è, cas’ è?
(I Giüdaš saltan sü spavantaa).
ÜN
GIÜRAA. Ma coss’ è quest? Ma chi m’ à fatč stravdè?
ÜN ALTAR. Ma chi gniffa en mai questa, e questan vuš?
ÜN ALTAR. Madonna! Cristo! C’ um faggia la cruš!
(Dòi o tre fan al segn da la cruš).
730ÜN ALTAR. Nus pò plü creir casa c’ as vè e ’s sent.
ÜN ALTAR. Dio’ s ciüra lü! Quel là l’ è striament!
(As sent fracašš da dora, e sbragir).
ÜNA VUŠ. Num impedì, o ciär, lasciam indär;
S’ l’ è viva, o morta je à da guardär.
ALTRA VUŠ. Je dumand’ al permess: spatcià chi or.
735PRÜMA VUŠ. No, no! Indu’ et Anin? Indu’ è mi sor?
(Sbragiand quistan parola al corr ent Battista davant al Tumee, pö ’l
dà ün sai e resta lò incantaa).
[p. 152] STAMPA. Ah, tü è tü Battista! Iddio lodaa!
Ecco chilò ti sor — e tee čiunaa!