[p. 156] 835 URSINA (as ingianoiland). O ciär! o ciär! cativ
Nu seius cun je! Je av dumand pardun.
Je vea cradü dai där ün cunsei bun.
Je nu vess mai panzaa ca d’ ün’ asment
Tant pita füss gnii or tantal furment.
840Je dumand scüsa är el sciur pudastà,
E’ m racumand tant e la si
buntà.
PUDASTÀ. Ma, la mi cära donna, in quanto a mi
Nu sà cumprend quel, ca vo vulè dì:
La cuscenza av fa dì quel, c’ u num sà.
845STAMPA. Stet sü, stet sü dunanda!
ANIN. L’ è giò tüt pardunaa.
(Tumee al la giüda sü).
PUDASTÀ. Vessas forsa giù pärt e mett fo mäl
Cuntar l’ Anin, o ei rump al scusäl?
URSINA. Pür trop, pür trop, je l’ à da cunfessär,
850Ca je sun statcia je e’ l cunsigliär.
PUDASTÀ. L’ Anin e titul da riparaziun
Dii mäl sufert, à fatč intercessiun
Per quei, ca cuntar lee an mess fo mäl;
E per quel, l’ à decis al craminäl,
855Per questa volta da usä indulgenza.
Cuntantev dii rimors da la cuscenza.
URSINA. O grazi’ Anin! Tü e propi üna bunetta;
Iss’ it vöi ben, är ca tü sea povretta.
ANIN. Avdè, avdè, ca la Menga’ s muventa!
860MAMA. La vol anch dir vargot. Tašè, c’ um senta!
MENGA. Mett davent . . . quela späda . . . o mazzum je!
(Pausa).
Corrè . . . stüzzà quel fög! corrè! . . . corrè!
ANIN. Ei toccär man forsa la torn in ciò.
(Lai tocca man).
[p. 157] MENGA. Et ün angial dal Ceil . . . manda chilò,
865Per tör cun tü quela povr’ innocenta?
ANIN. Ma ciära Menga! cas’ è’ l ca’ t spaventa?
MENGA. Chi vuš è quista mai? chi mai am tocca?
MAMA. Avdè, c’ ai torna’ l riar sü la bocca!
URSINA. Issa nu la pär plü insci scunvolta.
870MAMA. Sa Dio vol, al mäl à datč la volta.
MENGA. Fai veir, o ciär Signur, da je pietà!