VUS DA ALT. Quel c’ u vè da saveir, l’ è, c’ u sè frär,
E fra voaltar ca us vè d’ amär;
1010E quist l’ è, i mee ciär fanč, fidei examen.
(I restan lò ün pezz estatic, cumbatend cun sè stess; finalmente
Andriani e Vergerio, Guido Zonca e’ l Benedettin as vegnan incuntar e’ s’ abbracciär e i dišan):
Sì, c’ um as vöja ben, e c’ um dig’: Amen!
(As sent ün eco da Amen, ca va e zic e zic as perdend e’ l continua
al sclarur).
(Ent al calär la tenda as sent vušina da angial e cantär):
Pürezza d’ ün cor pio,
Concordia e vera üniun,
En pü gradida e Dio,
1015Cu dogmi e cunfeššiun.
En pü gradida e Dio,
Cu dogmi e cunfeššiun.
[p. 163] Ecco la via everta,
Ca mena el Creatur!
1020Lü nul dumanda offerta,
Lü al dumand’ amur.
Lü nul dumanda offerta,
Lü al dumand’ amur.
Plü cu la forma esterna,
1025D’ incensi la savur,
La carità fraterna
È gioia dal Signur.
La carità fraterna
È gioia dal Signur.
SCENA IX.
Säla in la ciäsa dal TUMEE STAMPA. GIAN B. SALIS, GIACUM
CASTELMÜR, ANDREA RUINELL, al Pudastà PIGNET e’ l
Masträl TORRIANI. Pö ANDRIANI, VERGERIO, ZONCA e ’l
BENEDETTIN. In seguit RADOLF PRAVOST; pö al preir
DURIG e ASSUNTA, ca stan in ün cantun. As vè indär ent e
ora l’ AND URSINA cun fatč ent lan manga, in costüm da
cušineira, e’ l BARB INTONI cul scusäl in costüm da camerier.
1030SALIS. Inciö’ l me cor e tütt plen da letizia.
CASTELMÜR. L’ è ün triunf inciö per la giüstizia.