PUDASTÀ. Al bun Signur à propi fatč avdè,
Ca Lü nu l’ abanduna mai i see.
MASTRÄL. Chi ca nus ralegrass, vess cor da glačč:
1035L’ è ciò preir e manistar bračč e bračč!
(Al vegn Vergerio e bračč cun Andriani e Zonca cul Benedettin).
[p. 164] ANDRIANI. As vuleir ben e stär in buna üniun
L’ è pei cristian la meiar divuziun.
VERGERIO. Serto gradito a Dio di puri fiori
E carità, che unisce i nostri cuori.
(Al riva Radolf Pravost).
1040CASTELMÜR. O ser dutur Pravost, ben arrivaa!
(Ai toccand man).
SALIS (egualmente) Chi buna steila av à chilò manaa,
E tör part el plašeir da quist bel dì?
PRAVOST. Da la Vultlina e posta je sun gnii.
Ma chi è quist giuvan, ca m’ è tütt nuvel?
1045SALIS. Quest l’ è da Sòi, Andrea Ruinell.
Da nì al fa sperä per plü rašun
Ün ornament per al pais Grišun.
PRAVOST (ai toccand man)
Am fa plašeir la vossa conoscenza.
RUINELL. E gè la vossa.
1050MASTRÄL. Ecco’ l festin scumenza!
(Al vegn al barb’ Intoni cun ün bucäl).
INTONI. Je preg la cumpagnia,
C’ las ferma ün mumentin;
Ca e nozza da la stria
Um beiv ün bucäl vin.
(Al mett in giro al bucäl, ca passa da man in man).
1055VERGERIO (bavend) Evviva l’ innocenza!
ANDRIANI (bavend) Lodaa sea’ l Signur!
PUDASTÀ (bavend) Ecco la mi sentenza:
Viva di špus l’ amur!
[p. 165] (Al riva Maturo seguii da doi sunadur, ca sunan üna maitinäda
nazionale, pö al Tumee Stampa cul’ Anin, Battista cula Menga e
altar paiar, ca cantan ün paiar dopo l’ altar, as matend e balär).
E quela fia da la mulinära
1060L’ i sempar stàtč la mi marusa ciära.