GIUVNA. Mi nu sun per dì ca nò,
Già c’ as tratta giüst d’ ün pò.
1090SALIS. Cal väda e tupicun la signoria!
Ge stun elegar cun la cumpagnia.
(Al tö üna ballarina).
CASTELMÜR. Sa l’ essar nobal nun è da sprezzär,
Anca pü bel l’ è d’ essar frär cun frär.
(Al tö üna ballarina).
RUINELL (invidand üna giuvna)
Er ch’ i aggia i pè da Sòi,
1095Vulev fär ün salt o dòi?
GIUVNA. Ben gügient ser Ruinell:
Ma c’ um salta ün zic bel bel.
INTONI. Issa je vezz cai è merit pü bei,
Cu dodaš vacch’ e quattordaš avdei.
(Al tö l’ Assunta e’ s mett är lü in riga).
(I altar giuvan tön är ballarina e tütč as mettan e ballär).
[p. 167] 1100 MANISTAR e PREIR. Al pü bel simbul da la verità,
L’ è sempar statč, e l’ è la carità!
(Dopo qualchi gir i ballarin as ferman).
QUALCHI VUŜ. Evviva i špus!
ALTRAN. Viva la cumpagnia!
ALTRAN. E’ l pudastà, ca bala cu la stria! (riar).
1105PUDASTÀ. Oh, ca tütt quant lan fia
Füssan da quistan stria!
URSINA. Oh, ca tütč quantč’ i giuvan
Füssan da sti striun!
TÜTČ (alzand i capei e i bucäl)
Oh, ca tütt quant lan fia
1110Füssan da quistan stria!
Oh, ca tütč quantč i giuvan
Füssan da sti striun!
(Tütč as tiran indree formand ün semicircul, e ’l vegn evant al
barb’ Intoni e l’ and’ Ursina, e dree dree lur al prèr Durig e l’ Assunta, e pö al Masträl).
URSINA. In verità, s’ as penza e quist’ istoria, As à da dir, c’ l’ è degna da memoria;
1115E je scumett, ca ent i temp e gnir
Tantči varan plašeir da la santir.