| Questa pagina è stata trascritta ma deve essere formattata o controllata. |
Risurscita da Nossa Dona.
Circ' immez la val Bargaja
Tra Surport' e Porta Sott,
Surcarga cun gran muraia,
As innalza sü un mott.
5 L' è sün som da quella motta
Cun campana e campanil
La baselga tütta rotta
Pleng' ad serp, ciquetta gril.
Ogni volta ca suneva
10 La campana giò di mür,
Qualti diaval pizcanteva
Al baron de Castalmür.
Turmantà dla marivea
As rampira ven sün som
15 E lô' i disc per la si pea
La campana al se nom.
Di me veil füss sta cunträda?
I me veil chilò èn statg?! …
E nagiün 'l ha rinoväda?
20 Gran vargongia di voss fatg!!
Pochet drè da quella rabbia
Tancu' n mort riscuscità
Da quij brüt arment la cabbia
Un bel tempio e davantä.
25 E d' innura la campana
Tant ringrazia' l se patrun
Ca la sugna in campagna
Grand barun, barun, ba — run.
La distruziun di Casavice da Visavran 1872.
Giubilà la nova lieta
Cun la vusc e cun la ment,
Cun campana, corn, trombetta,
Cun zampoin e mazzament;
5 Ca lan scandalusa ganda
Finalmente tön da Canda.
Monument da la miseria,
Misra amministraziung,
Da puntigli in materia
10 Da pusess e divisiun . . . .
J' en gni egar marc infigna
Spüran … tancu lan latrigna.
As ha giü da veir pazienza
Quasi cinch generaziun,
15 Per ca möva l' attinenza
E la fissa stinaziun,
E risalta ad evidenza
Al nagot d' interessenza.
Montre ch' i proprietari
20 An tagnivan stain da quint,
Da sti scandal — lüminari
Tgävra norza per instint.
As servivan d' üna tagna,
Ei ornevan cun caglagna.
25 Issa ca la lieta nova
Corr per tgäsa rallegrand,
Dappertütt ün eco trova,
Cu num reista tutuband,
Cum dasmenca quel' ustigna,
30 Cum an sbriga la ruigna.
D' ogni mez cum as an serva,
Tütt lan forza dean ent,
Gent e besctg senza riserva,
El concorz di element;
35 Nagiün zeida mai infigna
Ch' en splaneda lan ruigna.
Gent palà e det la carga,
Caval tira mül purtà,
Scorna tor, lan preida sclarga,
40 Serua scheva, … gai sgraffà,
Boffa vent, rabbius scurenta
Plöiva sgüra, sul scügenta.