Aitolà, frer! Da la vita,
Sü, rallegra 'v ent al cant!
Sü, la natüra s' invita,
Da' s fer ün zic inavant!
5 Tantan beltà e grandezza,
Tantan öiläda d' amur
Deisdan eppür allegrezza,
Quietan eppür i dulur.
Tantan beltà e grandezza
10 Nu po' l me spirat capir;
Je' n vuless soma tre pezza
Góder, avant cu murir:
Tre, ca cundiscian la vita,
Tre, ca' s badentan davent,
15 Tre, e c' la sean er pita,
Tre, ca' s cunservan cuntent.
Vivan al prüma lan bella,
Ca, plena d' grazia e beltà,
'sen üna steila sün quella
20 Streda, c' um ha 'ncamminà!
Quellan, ca spandan al balsam,
Gnianca nasciü ca è' l dulur,
Forza e vita s' impalman
Cun lan öiläda d' amur!

25 Viva al vin pro segond, e
Viver quel possa ancor
Propi sün tüt al gran mond e
Incoragir al nos cor!
Omel, c' or da tantgi misteri
30 's güda da spess inaccort,
Giuvan da spess cun i éri
Mena famus in accord!
Vivan pro terzo edüna,
Vivan cun giuvna e vin,
35 Per ca la gioja nu sciüna,
Vivan cun lur i quattrin! …
Quij, ca obtempran perfina
Piani dal senn superbius
E cun l' istessa brunzigna
40 Deisdan or l' om bisögnus.
Quistan tre steila, lascia 'm lan
Gòder a je sün quist mond,
Pür ca lan altra risplendan
Dallan altüra al fond.
45 Je sun cuntent cun vargotta,
Per nu capir al profond; …
Quellan se ha, sci nagotta
Alter gavüsc in quist mond.

Calenda - Marz! Cun zampoinun,
Brunzigna e sunaglieira
Um annunzia ingiö dal bun
Daspair la prümaveira,
5 In cusa ca la fantgiaria
Usà ha semper cun lagria.
Calenda - Marz! Calenda - Marz!
Ün giüval da vaccaira!
Er ca' l fen daventa scarz
Cun bièr bastiam daspaira:
10 Nun abbias ni panzeir ni döa,
Ca vegn al Magg cun erba e föa.
Calenda - Marz! um clam ingiö
Cun sun c' um av badenta;
15 Preist vegn al cüc, ca canta pö,

E 'l merlo ca 'v pascenta
Cun la canzun: O, nu murir,
Cavall, ca erba ha da gnir!
Calenda - Marz! O buna gent,
20 I sun dumandan bièra
Castegna, flur e cundiment
E soldi, cu fa terra!
Um se peró da buna razza
E' m tö da tüt cun mili grazia.
25 Addio, grazia infrattant!
'n altr' ann um torna anca;
Um god sta seira quist intant,
Sperand cu 'n giungias anca.
S' um beiv epö' l „perfet amur“
30 Evviv' um fa ai donatur!
Lan bella, al vin ed i quattrin.