40Per mal ils ögls.
Ün öv cot a dür taglià per mez, e tut oura la mezza cula cotschna,
e miss il vöd del alb chod sü’ l ögl, tirr’ oura l’ inflamaziun.
41 Ün oter mez.
Ün deciliter aua netta, cun 5 grams vitriol alb = (coppa da rösa)
bain d’ issolt; bagnar allura ün pez net cun quist aua e ligiar quel
cun ün fazöl sün l’ ögl, tira oura la dolur e l’ inflamaziun.
42 Ün oter mez.
Portar intuorn culöz una corda cun curals fats our dalla scorza del
sabüj. Ün taglia la scorza in zipplas quadras e tira cun l’ aguoglia
tras ün fil.
48 Ün oter mez.
Bagnar ün pez net nel cler d’ ün öv e ligiar quel sur not sün
l’ ögl.
44 Ün oter mez.
Femnas e persunas cun chavels lungs ligian ils chavels sur not
sün l’ ögl.
45Per ögls chi larman.
Per quist debel ais bun far buglir üna tazza d’ aua e disfar u
schoglier in quella ün sdun meil d’ aviöls, allura ondscher o sia lavar
oura ils ögls cun quell’ aua.
46 Ün oter mez.
Sbatter insembel l’ alb d’ ün öv (cler d’ öv) cun ün sdun gromma
dutscha, ed ün sdun zücher e metter cun ün pez sün l’ ögl.
47 Dolur nels peeis.
Il scouscher ils peeis pro persunas chi sun contin sü’ ls peeis, ais
bun, öli d’ oliva cun ün sdun sal laint ed ondscher ils peeis avant
co ir nel let.
48 Ün oter mez.
Ils antenats ondscheivan ils peeis la daman cun saiv, per as preservar dal scouscher.
49 Ün oter mez.
Ün bagn da peeis, cun aua choda e brenn d’ üerda in quel, allamgia
las düridas e preserva quatras dal scouscher. Eir stimfs nets ais ün
preservativ.
50Per fermar il sang.
Que arriva sovent cha’ l contadin in sias fatschendas as taglia; per
fermar allura il sang ais il meglder mez ün barlun vatta imbavüda