62 Per mal la rain.
Per quist incomod ais il megl tour da purgiar circa 30 grans öli
da ritschas, u 30 grans sal da mar.
63 Ün oter mez.
Ligiar sün la rain ün foll muntanella, cu’ l grass inaint e laschar
fin quel ais sech.
64 Ün oter mez.
Ün flaster rascha da chilgèr (rascha culada) maisda cun miguogl
d’ bov.
65Ün oter mez.
Metter sün la rain ün man plain lanna — na lavada — e ligiar
quella intuorn cun üna fascha, fin cha’ l mal sparischa.
66 Per las emeroidas.
Per quist incomod ais ün fich simpel, ma provà sgür mez; far
bler adöver da meil d’ aviöls.
67 Per la toss cannina.
Per quist epidemie pro infants deivan noss vegls, zücher imbaivü
dad aschai da vin; e que ogni vouta ün peer baccuns, cur chi tossivan.
68 Ün oter mez.
Frousslas (Hagebutten) cottas cun zücher candit, ais ün mez provà
cun bun success. Ün fa couscher, ferm, mez majöl frousslas in circa
ün liter d’ aua, cun 60 grams zücher candit; sculla allura tras ün
pez e da als infants durante il di da baiver.
69 Ün oter mez.
Eir pro solita toss ais bun a tour 1. sdun da thè plain zücher
in puolvra e bagnar gio quella cun bun aschai da vin; pigliand ogni
voutta subit davo la toss.
70Ün oter mez.
Scha sper la toss ün ais eir rac ais provà bun, meil d’ aviöls
maisdà cun puolvra da schlupet. Ün schmacha l’ ultima in farina e
maischda cun la meil e piglia la daman e la saira ün sdun da the
da quella mixtura.
71 Per mal la gula.
Per quist mal ais il meglder baiver thè da günaiver fat dutsch
cun zücher e metter intuorn culöz lana — na lavada —.
12 Ün oter mez.
Eir grass muntanella alguantà e miss chod sü’ l culöz, sün üna
pezza da fanella, fa spert guarischun.