Noss vegls üsevan per quist mal, da metter sur not intuorn culöz
üna chapütscha da lutt, u pür ün stimf da süjuors per surleivgiar.
74 Ün oter mez.
Eir ondscher il culöz cun sondscha, sainza esser insalada — u cun
painch fraisch e bain plajar aint ha fich bun success.
75Ün oter mez.
Ün sbatta 2 cotschens d’ öv insembel cun 2 sduns zücher (in
puolvra) fin chi vain s-chüma, allura bütta ün sur ingio lat chod u
pür aua choda e baiva quist plü chod possibel, avant co ir in let.
Quist mez romp’ il catarr e surleivgia il mal nella gula.
76 Ün oter mez.
Cur ch’ ün ais eir rac allura ais bun tour la daman da jejün ün
majöl d’ aua choda, cun ün plüch sal laint, per lavar oura la bocca
e sgargattar.
77 Ün oter mez.
Solitamg ais accompagnà eir toss e perque ais bun il the da
cipolla. Ün taglia la rava da cipolla in 4. tocs, ils couscha fin chi
sun lams
in ½
liter d’ aua, allura pressa ün oura il züj della cipolla
nell’ aua e tuorna a couscher l’ aua cun brav zücher candit. Quist the
baiva ün chod oder fraid cun bun success.
78 Ün oter mez.
Eir il thè cun meil ais fich bun. Ün metta circa sün ½ liter
d’ aua 2 sdunins meil e lascha couscher que insembel per baiver
allura chod u fraid.
79 Valor della cipolla.
La cipolla vain douvrada nella spaisa per dar a quella bun gust
e buna digestiun. Cipolla mizzada gio e strichada sü’ l pan, sco zonda,
promova la digestiun. Il züj da cipolla ais bun cunter morsas d’
insects, sch’ ün stricha quel sü’ l mors; e cun aschaid maisdà stagna
quella il sang nas, schün tira sü nel nas. Eir prepara ün cun
cipolla ün bun unguent per taigls e plajas; fand couscher 2. cipollas
cun ¼ [A] painch fraisch — na insala — allura squitschà our il züj
e sculà tras ün pez ais ün exellent üt per plajas.
80Mez per promover l’ apetit.
Noss antenats feivan adöver da the dels usens pigliand duos fin
trais vottas il dj ün peer zanins.
Romanische Forschungen XXXVII. 18