Cur ils peeis pro strapatschs vegnan s-corchads cun plajas, dovreivan ils vegls üna mixtura dad aschaid ed aua per lavar, e per
ils indürir.
90Per ars del fraid.
Pro quist arsüra ais bun il grass della leivra per ondscher. Ün
douvra dit grass per as preservar eir ouravant, ondschand ils mans
e’ ls peeis. Il grass leivra ha üna singulara forza; ün douvra quel
eir pro culöz gross e disposiziun da gotter cun success.
91 Arsüras del chod.
Pro arsüras serva strichar sü, resp. ondscher l’ arsüra cun öli d’ oliva
e semnar farina da furmaint lasura, ais ün mez exellent.
92 Ün oter mez u unguent.
Tschaira d’ aviöls, niguogl bouv, ed öli d’ oliva vain alguantà insembel. Quist üt mettand sü piglia davent la dolur subit e promova
spert la guarischun.
98 Ün oter mez.
Sch’ ün semna subit sün l’ arsüra farina da furmaint, schi as calma
la dolur e non vain vaschïas; eir sch’ ün as arda la lengua, schi
pigliand in bocca farina da furmaint ais il mal sco sofflà davent.
94 Ün oter üt.
Noss vegls dovreivan farina da flöder o sia avaina, maisdà cun
sonscha — na salada — sco üt pro arsüras per chi non vegna
vaschïas e’ s calma la dolur.
95Thè d’ aniss.
Thè d’ aniss piglia davent la stuornitad e’ l mal il cheu. Puolvra
d’ aniss cota nel aschaid e meil, ais bun per sgargatar pro mal la
gula. Thè d’ aniss ais bun per toss e stret da pet e promova facil
l’ orinar.
96 Catarr e toss dels infants.
Ils moinchs dellas tschireschas bain sechantads e conservads, dan
ün bun thè per infants cunter la toss e catarr; ün sculla davo fat
buglir e fa allura dutsch cun zücher candit.
97 Granf nel stomi.
Per quist mal ais bun ün thè da frosslas. Ün man plain frosslas
cott
in ½
liter d’ aua, e sculà per baiver, ferma la gramfla.
98 La flur del parmuoglier.
La fluor della parmuoglia ais buna per preparar ün thè, chi nettaja
il sang ed ais eir purgativ; eir ad infants chi han ruognas e sun
18*