Per quist mal ais fich bun ün spech grass, cun puolvra dad
arbajas in quel.
106 Ün oter mez.
Eir vinars da genziana u da günaiver, bavand ün zanin ais racomandà.
107 Ün oter mez.
Medem effet fa eir ün zanin bun vinars dad üja, cun ün pa öli
d’ oliva laint.
108 Per ils verms.
Pro infants prepareivan noss antenats ün unguent fat cun verms
da plövgia e sonscha — na salada — applichand quel üt, sün ün
pez via del umblin.
109 Ün oter mez.
Eir lat bugli, cun bain bler aigl cot in quel, ais fich racomandabel.
110Ün oter mez.
Ün implaster fat cun aigl e cipolla, applichand sün la foppa del
cour sper baiver aua da chastognas ais eir racomandabel.
111 Per solicitar l’ urina.
Pro quist mal dovreivan noss vegls, que ch’ ün tuot hoz eir fa
adöver dal thè da frousslas. Quistas vegnan nel mordscher schmazüchadas insembel cu’ ls sems laint, e fat buglir ferm, allura baivü
chod, püs dids davo roda, circa 3 majöls al di. Quist the nettaja
ils ranuoigls e la vaschïa perfettamg. …
112 Ün oter mez.
Eir il the da spj — üna planta chi crescha sün la crappa, in sias
fessas e crappadüras preparà sco’ ls oters thès, dess havair per dit
mal bun success.
113 Ün oter mez.
L’ adöver da frütta, sco maila, paira, tschireschas e brümblas,
mangiand frais-ch, promova l’ aua eir fich bain.
114 Ün oter mez.
The da granüclas, mangiand eir las granüclas insembel cu’ l the,
ais eir fich bun.
115Ün oter mez.
Schoppa da ravas e stechs, e schoppa da giotta, promova eir
l’ aua fich bain.