116 Ün oter mez.
Eir il the dall’ erba da chichollas u sia malvas, e’ l the dall’ erba
da schlops, vain per quist incomod fich racomandà.
117 Per far passar dal corp.
Per quist incomod feivan noss antenats adöver dal the cun la flur
del parmuoglier. Quist thè fand repetidamg plûs dids davoroda fa
svess purgiar, e lapro vain sustgnü sco ün dels meglders mezs per
nettagiar il sang.
118 Ün oter mez.
Baiver ün peer majöls d’ aua frais-cha la daman da jejün promova
il passar da corp fich bain.
119 Ün oter mez.
Eir ün peer majöls grama dutscha, bain sbattüda, a baiver la
daman da jejün fa effet.
120Per la curenta.
Azzuns drets, cots nel vin, ais il meglder mez, per padimar la
currenta.
121 Ün oter mez.
Ün peer övs frais-chs, baiver crüj la daman da jejün, ais eir racomandabel.
122 Ün oter mez.
Schoppa da farina arsa, cun ün peer majöls vin laint, ha il
medem effet.
123 Per fermar il sang nas.
Per quist ais bön da far ferm movimaint cun las masselas. Pro
infants da ün il linger in bocca, per ch’ el ruoja; creschüds non
douvran que, saviand cha il movimaint dellas massellas sia il mez
per fermar il sang. Quist mez ha fat effet in plüs cass bleras vottas.
124 Per ars del fraid.
Ün piglia dascha d’ petsch verda, metta in üna chalderolla cun
aua e lascha buglir o sia couscher 2 — 3 uras, allura fa il pazient
trais vottas il di bagn in quist liquid, ogni votta tevi.
125Per fermar il sang.
Pro quist bsögn vain racomandà tschendra frais-cha, da linzöl da
glin, chanv, u da pingolla, e metter quella sün la plaja. La tschendra
cu’ l sang fuorma allura üna grossa gruosta, sot la quala la plaja
guarischa spert. Preparand quist mez subit, non ha quel üngüns
dscherms d’ infectiun, impedischa l’ ajer e l’ inflamaziun e la materia.