Oman da stima e da gran rispetto
Per i see merit vers a popul reto.
(Is sentan giò).
CASTELMÜR. Giüst’ e proposit voaltar sè rivaa
In merit el sogett ca scumanzaa
375E discütar um veiva. Al vos saveir
Po giüst servir da guida ei nos panzeir.
Per la riforma da la religiun
As sent e dir ca u vè propensiun:
E cagnoscü per òman da cuscenza,
380L’ è or da dübi, c’ u nul fagiè senza
Prafond rifless e consideraziun
Sül pro e’ l cuntar da la gran questiun.
PONTISELLA. Per truvär in quel lò la sträda retta,
Nul pò dar norma la rašun suletta;
385Ma ognün an trova al pü ferm argument
Ent al se cor, ent al se sentiment.
PRAVOST. La vuš dal cor pò manär or da sträda,
Sa da rašun la nun è cumpagnäda;
L’ è ’l meiar s’ al stà in buna relaziun
390La vuš dal cor cul lüm da la rašun.
Je à sustagnii ün gran combattiment
Fra la rašun e al mee sentiment;
[p. 55] Cà’ l sentiment pel plü al stà taccaa
E quel, ca e creir da fanč as è düsaa.
395PONTISELLA. Er je’ m truvat, bisogna ben ch’ il diga,
In fär la scelta in üna gran fadiga.
La ferma vuš da Luter, e potenta,
Benchè verace, am parea trop violenta;
Da Zwingli la dulcezza am plašet plü,
400Quela à’ l mee spirat, e’ l mee cor vangiü.
Oh, sa tütč quanči füssan animaa
Tancu lü, da modestia e da pietà;
In buna päš as sciünass lan questiun
Senza ca fra i Cristian gniss divišiun.
405SALIS. La divisiun pür tropp s’ è già formäda
Massima da Germania in lan cunträda.
Sa in Italia e Spagna regna üniun,
L’ è in grazia, o Dio! da l’ Inquisiziun.