Cas èl i ordan da la gerarchia?
450Scälin, ca menan e la tirania;
Süperstiziun, ca ün dì menarà
E creir dal Papa l’ infalliblità.
PONTISELLA. E pü inütil casa pò gnir fatč,
Cu far la divoziun in ün linguač,
455Ca la gent nu capišč, e la sforzär
Quel, ca nu l’ à capii, da barbotär?
Nu l’ è mia doma da lan forma esterna
C’ as tratta; ma la verità eterna
[p. 57] Sgurär ben ben da lan superstiziun,
460E da la gent moderär lan paššiun.
Sa ent la ment regna la verità,
Er l’ interno dal cor meiar sarà.
SALIS. Ca in la Baselga, e in l’ agir dal clero
Al regna abusi, quel l’ è pür trop vero:
465Ciarcär bensì as vess dai moderä;
Ma mia da l’ unità das dastaccä.
PRAVOST. Quel lò pü volta l’ è giò statč tantaa,
Ma da Roma ’l partii s’ è ostinaa,
Dii see fals dogma da nus dastaccär,
470E i dissidenti anzi da sterminär:
Inscia Arnald da Brescia l’ à pagaa
Sül rogo al zelo per la verità,
Inscia Giovanni Huss è statč rüstii,
Per veir da martir al doveir cumpii.
475Quiet e cuntent i ingettan e la mort.
E’ l quel un segn forsa ch’ i veivan tort?
Er tantci altar la vita àn lašciaa,
Confermand dal see creir la verità.
CASTELMÜR. Quel šì l’ è sempar üna bel’ aziun,
480D’ essar costant e la si persuašiun:
Ma per quel lò nu l’ è anca pruvaa,
Ca quel c’ as crè sea la verità.
Martir as trovan per ogni opiniun,
Er ca fra leir sea cuntradiziun.
485As trova är fra i Pagani in quantità
Chi, ca per al see creir la vita dà.
Iss’ an mör plü per la fè riformäda,
Parciee c’ l’ è nöiva, e l’ è perseguitäda;