Ma spatgià ca tre secul sean passaa,
490E ’l fög da l’ entusiasmo l’ è stüzzaa.
Però l’ è vero, ca la confessiun
Romana à punti, ca cun la rašun
[p. 58] Stan in cuntrast: ma čhi decidarà,
Indua ch’ è i termal da la verità?
495PRAVOST. Qui termal à da stabir la scienza
Senza paššiun, cul pass da la prudenza.
SALIS. Ma casa sà la scienza da sagiüra
Circa lan verità da la Scritciüra?
Er s’ i Vangeli per base as vol veir,
500Sempar al reista anca vargot da creir.
E pö la scienza är in altran materia
Nu sà ben sciogliar lan questiun pü seria;
Ma las giüd’ or är lee cun qualčhi ingegn,
Tancu la Chiesa, per as trär d’ impegn.
(I rian).
505CASTELMÜR. Oh, a propò! giüst sün quist argument
Un fatč, ca m’ è success, am vegn e ment.
Una duman je sun rivaa bel bel,
Ingiand e spass, süi praa da Sotcastel.
Incur ch’ i à giü ün zig intorn guardaa
510Sü per la mota indua ch’ è’ l tublaa,
Je vezz ün bel matin, ca fagea spašš,
Matend in fila üna roccia ’d sašš.
Je ai dumand: «Dì, casa fat tü mai?»
Lü’ l dišč: «Je mett’ in fila i mee cavai.»
515Je’ i dič: «O dim, casa ch’ i an in nom:»
E lü: «Quist l’ è al Tacc, quel lò l’ è’ l Tom.
Quist l’ è al Coli, e quel lò l’ è’ l Cecc,
Quist l’ è al Fuchs, e quist chilò l’ è ’l Secc,
Quist l’ è al Scimal, e quel lò l’ è’ l Blass.»
520Ma’ l rastäv’ anca una roccia’ d sašš.
Lü’ l penza, e’ l penza: ma in quel mument
Plü altar nòm nui gnivan ediment.
Basta dree veir panzaa ün mument, o dòi,
Sì finalmente, per as tör d’ imbròi,
[p. 59] 525 Al povar mat, ca l’ è ün fì dal Peidar,
Al dišč: «Qui altar èn tütč puleidar.»