Je à cradü da nu stär in la pell,
C’ am è gnii ediment al paralell,
Ca passa fra quel ditč da l’ inocenza
530E i ripieghi da l’ ümana scienza;
E ogni volta, ch’ i fatč riflessiun
Da qualchi oget sü la definiziun,
E per quel lò je ’m lambicc al cervel,
Am vegn e ment i sašš da Sotcastel;
535Am vegn e ment: oh quanči, quanči mai
Eni i puleidar, e pac i cavai!
E pac cavai um i sà där al nòm,
Ma i puleidar rivan fin e Còm.
(I rian).
PRAVOST. Oh, al ser Giacum am fa gnir da rir:
540Però är i concili in stabilir
I dogmi e i riti da la confessiun
I s’ èn servii dii lüm da la rašun.
Sa da la scienza lur i àn fatč üs,
Per nò la scienza nu sarà ün abüs;
545Infin ca i see dettami nu van or
Da quel camin, ca giüst trov’ al nos cor.
CASTELMÜR. Per sün quel lò um va inteis är nò,
Da riformär i errur per quant c’ as pò,
Ma qualchi volta per l’ umanità
550Pò essar ütil är l’ assurdità.
Assurdo senza dübi al pò pareir,
Sa el popul in latin pradic’ al preir,
E ’l füss assurdo, sa la verità
Gnìss bel e neta sempar pradicaa:
555Ma spess as fa cianciär la religiun,
Per secondär dal see cor lan paššiun.
[p. 60] Incur ca inšia el vero al vegn fatč scorno,
L’ è meiar, ca’ l popul nun intenda un corno.
Chi ca mena la lengua e cativ fin,
560Al füss bier meiar, c’ al cianciass latin.
(I rian).
SALIS. Un altar punt è da cunsiderä:
S’ al popul as met dree e giudicä
Dla religiun circa lan verità,
L’ istess in ältran cossa’ l fagiarà,