605Sa sü l’ istoria da l’ umana gent
As fà rifless, ent i diversi temp
As vè diversi ordan destinaa
Da Dio e sustegnir la Società.
Ma ca sü l’ istess punt al resta lò
610Al popul sempar, pratendar nus pò.
Infin ca ün è fanč, l’ è bun per lü,
Ch’ il menan; ma incur ca l’ è crasciü,
E zig e zig l’ à impreis bel belet
Cu lan si gamba e caminär sulet.
615Innura’ l füss mal fatč e s’ ustinär,
Tancu da fanč anch’ e ’l vuleir manär.
Pes sustagnir in alt giamai nus vess
D’ impedir ca la gent fagian progress.
As alzär sur i altar nu unurass,
620Cu incur c’ al ben da tütč al dumandass.
Per quel d’ üsär je à sempar giü rossur
[p. 62] Dal stemma, ca m’ à datč l’ Imperatur,
Per nu dasdär iss iss la gelosia
Cuntar da je e da la mi famia.
625Ben s’ á da dir, e unur da la Bragaia,
Ca i see nobal èn giü gent da vaja;
Ca pel plü cui comün i àn tagnii,
E da bun galantòm àn sustagnii
I dretč, ca i nos veil as an lasciaa,
680E ca Enrico secondo à cunfermaa.
Per quel är qui, ca discendan da lur,
I pon guardär in alt senza rossur;
Ma giüst per quel i àn är al doveir,
Da tagnir plü cul popul, cu cui preir,
635Da lasciär libr’ al cors e lan cuscenza,
E’ l guidär sül camin da la prudenza.
(I stan sü, tulend giò i capei).
CASTELMÜR. E ben! c’ al sea testimoni al Ceil,
C’ um vol tör per esempi i nos bun veil,
Secondand quel c’ al popul credarà
640Essar la via da la verità.
SALIS. C’ um vol — är cuntar lan nossa paššiun,
Senza tradir la nossa persuašiun —
Fär quel ch’ è giüst, c’ al vegna quel ca pò!