PRAVOST (toccand al cor)
Nò, al nos stemma um al port’ ent chilò! (Giò la tenda).
[p. 63] SCENA V.
Säla da la ciäsa dal Comün.
Al MASTRÄL, al NUDAIR e i VAŠIN in radunanza. Fra quisti är
TUMEE STAMPA, GIAN GIANOTT, GIACUM CANT, GIAN
TAMAGN, CUMPÄR GIACUM e CUMPÄR GUSTIN, ALBERT
ANDRIANI, pleban da Nossa Dona, BARTOLOMEO MATURO,
pradicant da Sur Porta.
645MASTRÄL. Sciuri vašin! Issa c’ u vè aprovaa
Al protocoll je’ v vöi veir saludaa
Anc’ üna volta. — In quista radunanza
As tratta affari da grand’ importanza.
Ben preist um varà pö d’ as radunär,
650Da quii anca pü seri per tratär.
Inciò je creg, ca fors’ al bastarà,
S’ um eleg da Morbegn al pudastà.
Al restarà e un’ altra radunanza
Tratär da la riforma a d’ l’ aleanza.
655Al doveir da vašin agius present,
Da där la vuš cun sinceir sentiment
E chi ca fagia unur e quel ufizi
Da galantom, cun lealtà e giüdizi.
E fär proposta u rastà invidaa,
660Chi c’ u vulè elegiar pudastà.
GIACUM. Oman capaci ai n’ è plü cu ün,
Ca füssan bun, ent i noss dòi comün;
Ma vo savè, ca’ s sol sempar üsär,
I bun ün zig parün da unurär.
665Inscia är quista volta ben al stess:
Al ser Radolf dagiò je proponess.
[p. 64] GUSTIN.
Al ser Radolf l’ è brav; ma ent i comün
L’ è giò statč in ufizi, e je’ n sa ün,
Ca infin in issa nun è titulaa,
670E ben al maritass d’ ess’ r’ unuraa.
Al ser Gadenz l’ è quel, ca je m’ intend;
C’ l’ è see cušin: l’ è da l’ istessa gent.