UN VAŠIN. Ma čhi sà dir, s’ i in intenziunaa
Da där vargot e la comünità?
675GIACUM. Al ser Radolf, s’ al vegn lü nominaa,
Trecent’ armetta e la baselg’ al dà.
ANDRIANI. O čhi bun cor! o anim giüst e pio!
MATURO. Trecent’ armetta per l’ unur di Dio!
UN VAŠIN. O čhi mustazz! Evviva’ l sciur patrun!
680Da parte mia je dig: bel e bun!
ALTAR VAŠIN. Ma üna raba i vuless dumandär:
E qual baselga al s’ intend da lan där?
UN VAŠIN. Incusa intend quel là’ l ser Andrian,
Lü, ca da Nossa Dona l’ è ’l pleban? …
685ALTAR VAŠIN. Al ser Tumee Maturo är al dgiarà,
Giò ca l’ è pradicant dii riformaa.
ANDRIANI. Per baselga je creg c’ altra nus possa
Intendar, cu la vera, c’ l’ è la nossa.
MATURO. La vossa no, ca l’ è falsificäda,
690No, quela vera l’ è la riformäda.
ANDRIANI. Vöt tašer giò, tizun tü d’ eresia!
MATURO. Täs tü, apostul da l’ idolatria!
GIANOTT. Avdè incusa ch’ is aman fra da lur,
Qui c’ as claman i servi dal Signur.
(I rian).
695MATURO. Gent senza fede! Inscia us rispettà?
ANDRIANI. Di Dio l’ ira sur da vo gnirà.
TAMAGN. Vulessus forsa c’ un av possa creir,
Sa fra voaltar u nus pudè’ vdeir?
[p. 65] CANT. E pratandessus, c’ um av büčč’ al man,
700Sa fra vo altar u sè gatt e can?
GIANOTT. Nul basta mia purtär la cappa neira,
Pes fär stimär, e ’s fär fär bela ceira.
TAMAGN. Cun i vos guai, e lan vossa questiun
U mandà anch’ e munt la religiun.
705MATURO. In verità, je nu sà casa dir.
ANDRIANI. L’ è üna rašun, ca las lascia santir.
MASTRÄL. Dal ser Radolf sü l’ intenziun da plü
Cu num cuntenda: as i dumand’ e lü.
GIACUM. E lü per quel l’ è inütal dumandär;
710Lü e’ l comün, quel c’ al vol, laščia fär.
C’ al sea per la messa, o la pradica,