El sciur padrun nui import’ una fica.
STAMPA. Per troncär pü e la lesta la questiun,
Je ’m permetess da fär una moziun.
715UN VAŠIN. Santì, al Tumee Stampa vol cianciär.
UN ALTAR. Oh, eccaši, c’ as vol raccumandär!
MASTRÄL. Zitti, u vè la parola, ser Tumee.
Purtà evant quel ca vo proponè.
STAMPA. Ciär cunvašin! Scüsam sa ’i cianciarà
720Quel ca je penz, cun plena libertà.
Nu l’ è bier temp, ch’ è statč mess sü la moda,
Fra lan comünità, d’ indär in roda,
Onde dii pais südit nominär
I uficiant, ca’ i àn da guvernär.
725E quel’ üsanza ün’ altra è toccaa dree,
Ben pac lodevla, el pareir da je:
L’ üsanza, da in ufizi nominär
Chi ca per quii è pront plü da pagär.
Quel là l’ è ün atto, ca vegn d’ avarizia;
730L’ è giüsta tancu vendar la giüstizia.
UN VAŠIN. Nò, vendar la giüstizia? Am da sofrir,
Ca quistan raba e nò as lascan dir?
[p. 66] STAMPA. Quii, ca per gnir elett spendan daneir,
Al dobal cercan pò da gnir e veir;
735E inscia i vegnan spess in tentaziun,
Da där e čhi ca päga la rašun.
Da quii n’ è statč är, ca, per gudagnär,
Delitti fals i s’ àn mess e inventär;
Ca per quel là is àn servii da spia,
740Samnand odio e discordia in lan famia.
UN
VAŠIN. Alò, alò! l’ è temp da la sciünär!
GIANOTT. Zitto! chilò l’ è libar da cianciär!
STAMPA. Oh! già el Ceil as rivolg i sušpir
Dii povar südit, ca nu pon sufrir,
745Ent i see dretč das avdeir molestaa
Da üna naziun, ca god la libertà.
E čhi è la colpa da tütč quisti mäl?
L’ è ’l popul, ca i ufizi rend venäl.
UN
VAŠIN. Am gniss al güst dai där ün scapazun!
750UN ALTAR. Ma quasi quasi, ca l’ à ün zig rašun.
STAMPA. Vulessus, ciär vašin! sura da nò