Clamär l’ ira di Dio per quel lò?
Oh no, oh no! Pütost c’ um fagia senza
Baselga, cu da vendar la cuscenza:
755Plü cu pitüra, plü cu len e mür
Al pläš e Dio l’ offerta d’ ün cor pür.
UN
VAŠIN. Davent, davent! ora dii pè quel futar,
C’ l’ è da la messa, e l’ è anca peg d’ ün lutar.
TAMAGN. Sa tü nu teš cun quel, ca l’ unur tòcca,
760As truvarà čhi c’ at sera la bòcca.
UN
VAŠIN. Saššin e mordar, cazar, scelm e lädar,
L’ è lan parola, ca nu s’ à da dir.
Tüt quant al reist, o dretč, o stort, o quädar,
Al nos statüt al lascia proferir.
765STAMPA. C’ um stabilišča evant cu nominär
[p. 67] Al pudastà, c’ u num vol accetär
Nagot da čhi ca sarà nominaa;
E inscia la scelta pü libra sarà,
Inscia ’l nos cor nu gnirà in tentaziun,
770D’ an nominär ün ricc pütost c’ ün bun.
Inscia la prova ei altar um darà,
Ca ent al nos comün regna equità.
GIANOTT. E rinfaciär nus pudarà nagiün,
C’ um agia favorii la corruziun.
775UN VAŠIN. Quel c’ à ditč al Tumee l’ è verità:
Dagiò je’ l propon lü per pudastà.
ALTAR VAŠIN. Aha, aha! o je panzäva ben,
Ca dal patèr al füss quel là l’ amen.
UN VAŠIN. Casa! u vulessus mettar quel minčiun,
780Ca ciancia cuntar al ben dal comün?
STAMPA. O nuv scaldà! ca je nu l’ accetass,
Gnär c’ al comün unii am nominass.
Nu fagè gronzla, e nu panzà gnär,
C’ al sea quel là al fin dal mee patèr.
785Ma je preved, ca quistan corruziun
Saran fatali pel pais Grišun,
E ca l’ obbrobrio da sti paccaa
Ent al sangu’ dii see fii gnirà lavaa.
UN VAŠIN. Sa altar tü nu sà profetizär,
790Per i tee fatč tü fagiess ben d’ indär.