MASTRÄL (picca sü la meisa, o scudiš al brunzinin)
880Issa i dig Frid! e chi c’ as bròta plü,
Al sà quel c’ al Statüt à provedü.
[p. 69] UN VAŠIN. Zitto! al diš Frid: fagè, fagè eplan;
Ma c’ um as töj’ in guardia da qui can.
UN ALTAR. Brav, ser Masträl! Inscia as à da fär:
835La legge di Statüt fär ussarvär.
MASTRÄL. Evant cu da passär e l’ eleziun,
Dal ser Tumee votà sü la moziun,
Da nu accetär nagot dal nominaa;
Chi ch’ è per quel, da tagnir sü è pragaa.
(Pachet tegnan sü).
840UN
VAŠIN.
Nul fagea gnanc dasbögn da tagnir sü;
I saran tre o quattar tüt al plü.
MASTRÄL. Chi ch’ è per accetär l’ esibiziun,
C’ al tegna sü per segn d’ approvaziun.
(Quasi tütč tegnan sü).
UN VAŠIN. Ormai la maggioranza l’ à decis:
845Per as fär tema ai vol altar barbis.
GIANOTT. Sì šì, u vè vangü, povar minchiun!
Sül nos pais clamand maladiziun.
Al gnirà’ l temp, ca per castig di Dio
I nos nepoti àn pagaran al fio,
850E ca per còlpa da i nos paccaa
Qui povar guafan saran trasformaa
Da comissari, cunt e cavalier
In tantci cušineir e camerier.
(Tumee e i see amig van davent).
UN VAŠIN. Inget pür pei fatč vos, c’ al trun ca’ v mazza,
855Tütci quanči c’ u sè da quela razza.
UN ALTAR. Issa, ch’ i en davent qui macarun,
Scì fra da nò ai sarà pü üniun.
MASTRÄL. Fra i dòi, ch’ en statč propost per pudastà,
Da fär la scelta u sè invidaa.
[p. 70] 860 UN VAŠIN. Al ser Gadenz l’ è una teista fina,
C’ as fagiarà unur in la Vultlina.
UN ALTAR. Al ser Radolf väl plü c’ ul ser Gadenz.
(Je dic inscia, ma altar je penz).
GIACUM. (Er je à da dir inscia; ma magari
865C’ al vess vittoria nos aversari).